“Paketa antishpifje”, eurodeputeti: Nëse miratohet, Shqipëria rrezikon Presidencën e OSBE
Miratimi i paketës anti-shpifje do të vinte në rrezik Presidencën e OSBE-së nga Shqipëria. Ky është qëndrimi që mban David Lega, anëtar i Komisionit të Jashtëm të Parlamentit Europian, sa i përket planin të mazhorancës socialiste për të kaluar nesër në Kuvend këtë paketë.
Shqipëria do të marrë në vitin 2020 kryesimin e OSBE-së.
Shoqatat e gazetarëve dhe shoqërisë civile kundërshtojnë paketën anti-shpifje me pretendimin se ajo nuk i jep zgjidhje lajmeve të rreme dhe shpifjeve, siç pretendon Qeveria, por është përpjekje për të kapur median online.
Siç parashikohet në paketë, Autoriteti i Mediave Audiovizive merr kompetenca deri në mbylljen e portaleve nëse gjykon se ka publikuar lajme të rreme apo shpifje. Ndërkohë, kundërshtarët e paketës theksojnë se ky vendim mund të merret vetëm nga Gjykata dhe se asnjë institucion tjetër nuk mund të marrë kompetencat që i takojnë drejtësisë./TCH
Fraksion.com
