“Shtyrja e gjendjes të jashtëzakonshme”; Kryemadhi: Rama kërkon të fitojë kohë
Kërkesën e Qeverisë për të shtyrë deri më 31 mars të 2020-ës gjendjen e jashtëzakonshme të shpallur pas tërmetit të 26 nëntorit, Monika Kryemadhi, kryetare e LSI, e konsideron si përpjekje të kryeministrit Edi Rama për t’ju shmangur zgjedhjeve të parakohshme.
“Sot kemi një kryeministër që po kërkon shtyrjen e gjendjes së jashtëzakonshme në Parlament deri në muajin mars, i cili ka të bëjë për sa i përket largimit të zgjidhjes politike që ka sot Shqipëria, që mund të zgjidhet vetëm nëpërmjet zgjedhjeve të lira dhe kërkon një spostim të tillë për të fituar kohë dhe për të vazhduar në instalimin e atij sistemi autokrat që e kanë shumë vende të tjera, duke kërkuar të bëjë një kopje të shëmtuar”, u shpreh Kryemadhi.
Sa i përket paketës antishpifje të propozuar nga Qeveria, Kryemadhi e konsideri përpjekje për të mbyllur gojën e qytetarëve dhe gazetarëve.
“Ne duhet të ndajmë gazetarin e terrenit nga pronarët e mediave. Ne jemi koshientë dhe e dimë shumë mirë që pronarët e tyre që të mbajnë një media e kanë shumë të vështirë nga ana financiare, por nga ana tjetër që të mbyllësh dhe gojë e qytetarëve apo edhe gazetarëve të tjerë është edhe shkelje e të drejtave të njeriut”, theksoi kryetarja e LSI-së.
Fraksion.com
