Fotografohen në ballkonin e hotelit; Madonna në lidhje me balerinin 36 vjet më të ri
Këngëtarja e famshme Madonna thuhet se ka nisur një lidhje të re. Balerini Ahlamalik Williams është parë disa herë pranë këngëtares 61-vjeçare disa herë gjatë muajve të fundit. Të shtunën ata u fotografuan së bashku në ballkonin e një hoteli në Miami, shkruan DailyMail.
I lindur në prill të vitit 1994, Williams u rrit në Kaliforni ku shkoi në shkollën e mesme “Monterey Trail” pranë Sacramentos. Babai i tij, Drue Williams, është një veteran i marinës amerikane që filloi shërbimin e tij ushtarak në vitin 1970. Z. Williams, i cili tani është në pension, është gjithashtu një përkushtues i ekipit NFL të Oakland Raiders – duke e përshkruar veten si ‘tifozi numër një’ i tyre.
Ai takoi nënën e Ahlamalik, Laurie, në vitin 1986 dhe ata kanë tre fëmijë: balerinin Ahlamalik, vëllanë e tij Ahlijah dhe motrën LeYana. Pas mbarimit të shkollës së mesme, Ahlamalik u bashkua me prodhimin e CIRque du Soleil të Michael Jackson ONE në 2013.
Në profilin e tij në Facebook ai e përshkruan veten me fjalë të thjeshta: “Unë kërcej”. Williams ka punuar me Madonnën që nga viti 2015. Williams gjithashtu u shfaq në filmin “Frat Brothers” të vitit 2013, ku interpretonte aktorin dhe reperin Romeo Miller.
Aktualisht balerini po performon në turneun “Madame X” të këngëtares që filloi në shtator. Turneu është momentalisht në Miami Beach, ku dyshja janë fotografuar në një ballkon hoteli të shtunën.
Të ftuarit e tjerë të hotelit thanë që Williams kishte puthur Madonën para se t’i masazhonte asaj shpatullat. 25-vjeçari poston video të shpeshta nga rutinat e tij të vallëzimit në Instagram, ku ka më shumë se 80,000 ndjekës. Mediat e huaja kanë raportuar se ai është i dashuri më i ri i këngëtares dhe se diferenca e tyre e madhe në moshë, 36 vjet nuk përbën problem për ta.
