Spaho pas pretencës pë Salianjin: Akuza politike e të montuara, prokurori shërbëtor i maxhorancës

Nënkryetari i PD-së Edmond Spaho ka komentuar pretencën e dhënë sot nga prokuroria për çështjen ‘Babaja’ .

Në një deklaratë për mediat nga jashtë Gjykatës së Tiranës, Spaho sulmoi qeverinë dhe prokurorin e çështjes Kol Hysenajn, i cili kërkoi 1 vit e 6 muaj burg që pezullohet si masë demimi dhe konvertohet ne 3 vite shërbim prove për ish-deputetin e PD-së Ervin Salianji.

“Të vendosur në qëndrimin e tyre për t’i shkuar linjës së kryeministrit Rama. Një akuzë thellësisht politike, e montuar, qesharake. Nga sa kemi kuptuar nga referimi i prokurorisë, viktima kryesore e këtyre veprimeve paska qenë Fatmir Xhafaj, ish-ministri i Brendshëm. Konkluzion të cilin e konfirmoi dhe avokati i tij.

Një akuzë e mbrojtur nga prokuror politik dhe veçanërisht nga prokuroi Hysenaj, shërbëtor besnik i maxhorancës, që mendon të kalojë vettingun duke luftuar ashpër PD dhe drejtuesit e saj. Kjo prokurori nëse do të kishte një fije integriteti do të duhej të kishte përfunduar hetimin se si u largua trafikanti Geron Xhafaj brenda 24 orësh në Itali. Do të duhej të kishte hetuar ekspertizën që gjoja bëri kryeministri i vendit dhe deklaroi se “ishte regjistrim fals’.

Jetojmë në një vend të cilit i kërkohet që të hetojë dhe të vërë prapa hekurave lidhjet e krimit të organizuar, të trafikantëve me nivele të larta qeveritare. Me gjyqin e sotëm pamë se si trafikantë, krimi i organizuar, kanë bashkëpunim me politikën, përpiqen që të dënojnë denoncuesit. Ata të cilët sakrifikojnë dhe integritetin personale në interes të vendit dhe kësaj shoqërie.”, tha Spaho.

Fraksion.com