“Nëse është nevoja vij për 22 orë nga Uzbekistani”; Specialisti frëng i pilotazhit i gatshëm të ndihmojë popullin shqiptar
Specialisti frëng i pilotazhit, Thierry Solignac, i cili ka shërbyer për 3 vite në Shqipëri si instruktor për pilotët e vendit tonë ka reaguar sa i takon gjendjes aktuale në vend, si pasojë e tërmetit të fuqishëm të mëngjesit të djeshëm.
Solignac është shprehur i gatshëm, nëse është nevoja të vijë në Shqipëri, krejt vullnetarisht për të ndihmuar kolegët e tij shqiptarë të pilotazhit.
“Quhem Thierry, aktualisht po ushtroj profesionin tim si instruktor pilotësh për helikopter në Uzbekistan. Kam shërbyer për tre vite në Shqipëri, gjithashtu si instruktor pilotësh. Dje pashë lajmet në internet për tërmetin dhe u trishtova shumë. Më preku tejmase kur pashë gjithë ato fotografi; njerëz në panik të jashtëzkaonshëm. Propozoj që nëse është nevoja, mund të vij si pilot helikopteri për të mbështetur kolegët e mi, pilotët shqiptarë sepse gjykoj se ka shumë punë për t’u bërë. Mendojn se pilotët e helikopterit do të kenë shumë punë për të bërë”, shprehet Thierry duke shtuar se i duhen 22 orë për të marrë fluturimin më të afërt nga Uzbekistani në Shqipëri.
Fraksion.com
