Konfirmohet në detyrë prokurori i Apelit në Vlorë. Priten edhe dy vendime të tjera
Është konfirmuar në detyrë prokurori Kleanth Zeka. Vendimi u mor sot nga Komisioni i Pavarur i Kualifikimit për prokurorin e Apelit në Vlorë.
Trupa Gjykuese e përbërë nga Etleda Çiftja, Roland Ilia dhe Firdes Shuli dhanë miratimin për Zekën, pasi rezultoi i pastër në të treja kriteret e vlerësimit.
Në një prononcim për Top Channel pas shpalljes së vendimit, Kleanth Zeka tha: “Ndihem i shpërblyer pasi kam dhënë për drejtësinë gjatë karrierës sime. E dija veten time kush jam dhe këtë gjë e kanë provuar edhe organet e vetting-ut”.
Ndërkohë, gjatë ditës së sotme priten vendimet e Komisionit të Pavarur të Kualifikimit edhe për Simon Pashuku, prokuror në Prokurorinë pranë Gjykatës së Shkallës së Parë Lezhë dhe Arben Vrioni, gjyqtar pranë Gjykatës së Apelit Durrës.
Fraksion.com
