“Kërko falje ose të nxjerr jashtë”, Vasili debat me Balliun; Banorët e “Astirit” distancohen nga dhuna ndaj gazetarit
Debate të forta në emisionin “Open” në Top Channel u bënë mes ish-deputetit të Partisë Demokratike, Klevis Balliu dhe moderators Eni Vasili.
Klevis Balliu tha se nuk u dhunua gazetari por emblema e telvizionit.
“Kjo është dhunë, nuk preket gazetari”, tha Eni Vasili.
“Ma trego ku është prekur gazetari, është dhunuar televizioni që i ka quajtur shpellar këto banorë”, pretendoi Klevis Balliu.
“Jo, kjo është shpifje. Kur e ka thënë që banorët janë shpellarë”, replikoi Vasili.
Eni Vasili u kërkoi banorëvetë kërkojnë falje për dhunën ndaj gazetarit Andi Bora, kërkesë që u pranua nga banorët, por jo nga ish-deputeti Balliu.
“Klevis mos ndërhy, kërko falje për dhunën ndaj gazetarëve, ose do të nxjerr jashtë”, iu drejtua Vasili Balliut.
Ndërhyri edhe analisti Andi Bushati, kur tha: Ajo çfarë shikojmë atje është dhunë ndaj gezetarit. Nuk duhet të ndodhë”.
Pas publicitetit, Klevis Balliu e pranoi se nuk ka pasur një deklaratë të tillë nga Top Channel, ku banorët të jenë quajtur shpellarë.
