Cutillo: Rritje e bashkëpunimit në luftën kundër krimit të organizuar

Italia mbështet Shqipërinë në luftën kundër krimit të organizuar.

Ambasadori i Italisë në Shqipëri, Alberto Cutillo duke folur gjatë një takimi të mbajtur në Ministrinë e Drejtësisë, theksoi se, Italia mbështet Shqipërinë në nismat për të goditur krimin e organizuar.

“Në luftën kundër krimit të organizuar raportet mes Shqipërisë dhe Italisë janë rritur shumë vitet e fundit. Prandaj mendoj se zhvillimet e fundit do ta forcojnë më tej këtë raport”, tha Cutillo.

Sipas tij, italianët dhe shqiptarët i bashkon përpjekja për të anëtarësuar Shqipërinë ne BE, pasi siç tha vetë Cutillo është shumë e rëndësishme edhe për Italinë.

“Na bashkon përpjekja për rrugën e Shqipërisë drejt BE. Për ne është e rëndësishme sa edhe për ju anëtarësimi në BE. Pasi ne besojmë se kjo pjesë e Adriatikut mund të njohë drejtësi.” tha Cutillo.