U gjet i vdekur bashkëthemeluesi i Helmetave të Bardha
Një ish-oficer i ushtrisë britanike, i cili ka bashkëthemeluar grupin e shpëtimit Helmetat e Bardha, ka vdekur në Turqi.
Trupi i James Le Mesurier është gjetur pranë shtëpisë së tij në Stamboll, raporton BBC.
Shkaku i vdekjes nuk dihet, ndërsa autoritetet turke i kanë nisur hetimet.
Sipas disa mediave turke, trupi i viktimës është gjetur me çarje në këmbë.
Helmetat e Bardha – të njohura edhe si Mbrojtja Civile e Sirisë – kanë rreth 3,000 anëtarë dhe janë formuar në vitin 2014, tri vjet pas shpërthimit të luftës civile në Siri.
Grupi u ndihmon civilëve që sulmohen në ato zona të Sirisë që kontrollohen nga kundërshtarët e presidentit Bashar al-Assad.
Por, Qeveria siriane dhe aleatët e saj, Rusia dhe Irani, i kanë akuzuar Helmetat e Bardha për ndihmë të hapur ndaj organizatave terroriste.
Javën e kaluar, Ministria e Jashtme e Rusisë ka bërë një postim në Twitter, duke thënë se Le Mesurier ka qenë ish-agjent i Shërbimit të Inteligjencës Sekrete të Mbretërisë së Bashkuar, i njohur si MI6.
#Zakharova: The White Helmets’ co-founder, James Le Mesurier, is a former agent of Britain’s MI6, who has been spotted all around the world, including in the #Balkans and the #MiddleEast. His connections to terrorist groups were reported back during his mission in #Kosovo. pic.twitter.com/Fa7JTuP39Z
— MFA Russia 🇷🇺 (@mfa_russia) November 8, 2019
Fraksion.com
