Helmimi; Helikopter nga Tirana për dy nxënës në gjendje të rëndë
Një helikopter është nisur nga Tirana për të marrë dy prej nxënësve të gjimnazit në Shupenzë të Dibrës, të cilët u helmuan mesditën e sotme. Dy të rinjtë do të marrin mjekim më të specializuar në spitalin e traumës në kryeqytet.
Ndërkohë, raportohet se është stabilizuar gjendja e tetë nxënësve të tjerë që janë të shtruar në spitalet e Peshkopisë dhe të Bulqizës.
Sipas Top Channel,ende nuk dihet nëse bëhet fjalë realisht për një rast helmimi masiv.
Jashtë kamerave, nxënësit shprehen se ishin në pushimin e gjatë dhe kur u futën në klasë ndjenë aromën e një parfumi.
Nga të dhënat paraprake dhe jo zyrtare dyshohet se brenda ambienteve të shkollës është përdorur një spraj, çka ka shkaktuar probleme te disa nxënës.
Fraksion.com