Dënohet ish-deputetja e PD-së Jorida Tabaku; E paditi Rama

Gjykata ka dënuar për shpifje ndaj kryeministrit Edi Rama, ish-deputetja e PD-së Jorida Tabaku.

Mësohet se togat e zeza kanë gjobitur me 300 mijë lekë të rinj Tabakun.

Mes të tjerash se Gjykata i ka vendosur edhe një kusht demokrates, ku kjo e fundit duhet të përgënjeshtrojë në ‘Facebook’ deklaratën e bërë më 25.10.2018.

Po ashtu bëhet e ditur se shpenzimet e gjyqit i ngarkohen palës së paditur.

Padia ndaj Tabakut u depozitua në Gjykatën e Tiranës pas deklaratave të saj në lidhje me miratimin e ligjit të lojërave të fatit, ku ajo e ka akuzuar për lidhje kriminale.

Rama kërkoi si dëmshpërblim për dëmin moral të shkaktuar shumën prej 1 milion lekë, si dhe detyrimin që në faqen e saj në ‘Facebook’ të publikohet një përgënjeshtrim.

Kryeministri ka depozituar në total rreth 15 padi ndaj figurave të PD pas deklaratave të bëra prej tyre ne adresë të tij.

Fraksion.com