Nga PPE kritika për Francën: Politika franceze izolon vendin
Në ditën e parë të samitit të Këshillit të BE-së, Danimarka dhe Holanda iu bashkuan Francës duke shprehur kundërshtinë e tyre ndaj çeljes së bisedimeve të pranimit më Shqipërinë dhe Maqedoninë e Veriut.
Për Roland Freudenstein, drejtor i politikave të Wilfried Martens Center for European Studies, i Partive Popullore Europiane PPE, qëndrimi i qeverisë së Macron e izoloi vendin, duke i shtuar disa “pengesa të fundit të politikës franceze për Europën”.
“Kjo dëmton gjithashtu interesat rajonalë të BE”, tha ai për EURACTIV, duke shtuar, se vetoja franceze në thelb thekson një dilemë që është karakteristike edhe për vende të tjera.
“Nga njëra anë, ka një lodhje të gjerë nga zgjerimi mes popujve, veçanërisht atyre në Europën Perëndimore, e kjo i detyrohet dhe problemeve të sundimit të ligjit në Poloni dhe Hungari,” shprehet ai.
Nga ana tjetër, thekson Freudenstein, ekziston problemi i besueshmërisë së Unionit në Ballkanin Perëndimor pasi bisedimet e pranimit ishin premtuar në një nivel politik.
Po kështu ai nënvizon rrezikun se këto vende do të shtyhen drejt krahëve të hapur të Rusisë, Kinës dhe Turqisë, nëse blloku europian nuk tregon se është serioz për zgjerimin./tch
Fraksion.com
