“Hyn ‘live’ nga makina”; Rama: Jam nisur për në Bruksel, Merkeli po bind Macronin, unë jam me Zaevin

Rama vlerësoi se Kancelarja Merkel dhe Gjermania po përpiqen intensivisht për një “Po”, për të dyja vendet ndërkohë që qëndrimi i Presidentit Macron dhe i Francës nuk përkon, për momentin të paktën, me atë të Gjermanisë dhe të shumicës dërrmuese të vendeve anëtare.

“Nuk jam as optimist as pesimist për rezultatin e këtij procesi, por me realizëm gjykoj se po bëhet maksimumi për të marrë “Po-në” e merituar dhe se më e mbështetur se sot, me thënë të drejtën, Shqipëria nuk ka qenë asnjëherë në këtë proces. Pak por e sigurt është se edhe Franca e njeh dhe e vlerëson progresin e bërë, ashtu sikundër kërkon sot shumë më tepër nga vetë BE-ja se sa nga Shqipëria apo nga Maqedonia e Veriut”, tha Rama.

Kryeministri informoi se “tani po niset për në Bruksel bashkë me kryeministrin Zaev për të takuar kryeministrat e qeverive socialiste dhe progresiste të BE-së, në një format të krijuar enkas nga Partia Socialiste Europiane në funksion të nevojës që kemi sot për të pasur sa më shumë aleatë në tryezën e mbrëmjes së pasnesërme”. “Do të komunikojmë shpejt përsëri”, tha ai.