Sekretari i Përgjithshëm diskuton përgatitjet për Takimin e Liderëve në Londër me Kryeministrin Johnson
Sekretari i Përgjithshëm i NATO-s, Jens Stoltenberg pati bisedime në Downing Street të martën (15 tetor 2019) me kryeministrin Boris Johnson përpara takimit të ardhshëm të liderëve të NATO-s në Londër.
Takimi do të zhvillohet në 3-4 Dhjetor 2019 për të shënuar 70 vjetorin e NATO-s.
Më 1949, Mbretëria e Bashkuar ishte një nga dymbëdhjetë anëtarët themelues të NATO-s dhe Londra ishte vendi i selisë së parë të NATO-s. Takimi në Londër do të jetë një mundësi për udhëheqësit për të adresuar sfidat aktuale të sigurisë dhe ato në zhvillim dhe për të siguruar që Aleanca të vazhdojë të përshtatet për të mbajtur të sigurt popullsinë e saj prej gati një miliardë njerëzish.
Sekretari i Përgjithshëm dhe Kryeministri Johnson diskutuan gjithashtu rreth mjedisit aktual të sigurisë, përfshirë situatën në Sirinë Veriore. Z. Stoltenberg falënderoi Mbretërinë e Bashkuar për kontributet e saj të rëndësishme në NATO, duke përfshirë udhëheqjen e një grupi shumëkombësh beteje në Estoni, kontribuimin në Policinë Ajrore të NATO-s dhe forcat detare, si dhe për angazhimin e saj në misionet trajnuese të NATO-s në Afganistan dhe Irak. Z. Stoltenberg gjithashtu vlerësoi Mbretërinë e Bashkuar për udhëheqjen me shembull duke shpenzuar 2% të PBB-së për mbrojtjen dhe duke investuar në aftësi të reja ushtarake.
Sekretari i Përgjithshëm iu drejtua Asamblesë Parlamentare të NATO-s (14 tetor 2019) dhe pati takime me Sekretarin e Jashtëm Dominic Raab, dhe Sekretarin e Mbrojtjes Ben Wallace.
Fraksion.com
