“Demokratët në parlament të gjithë kryetarë”; Krenar Rryçi: I bashkohem grupit Hajdari
Mes deputetëve demokratë të opozitës së re parlamentare ka ende paqartësi se kush është kryetari, pasi një pjesë e deputetëve njohin Rudina Hajdarin si drejtuese e të tjerë Korab Litën.
Pas prononcimit të deputetit Halit Valteri i cili në fillim hodhi firmën mbi dokumentin që njeh Korab Litën si kryetar dhe më pas u tërhoq duke iu bashkuar grupit demokrat me kryetare Rudina Hajdari, një deputet i ri i Kuvendit firmosi shkresën për tu bërë pjesë e grupit parlamentar demokrat. Mësohet se ai është Krenar Rryçi.
Ndërkohë Korab Lita ka thënë se detajet për të vërtetën e tij do t’i japë për mediat në një konferencë për shtyp në orën 11.00.
Kurse deputeti demokrat Alban Zeneli konfirmoi për Top Channel mbledhjen e grupit ku është marrë vendimi. Ai tha se zonja Hajdari është në dijeni të mbledhjes madje edhe ai vetë ishte një nga kandidaturat për kryetar.
Fraksion.com
