“E qëllon me gërshërë në kokë”; Sherr mes dy të rinjve në Durrës: Pranga agresorit
Një ngjarje e rëndë është regjistruar ditën e sotme në fshatin Rinia në Durrës. Policia e qytetit bregdetar njofton se pas një sherri fizik mes dy të rinjsh, njëri prej tyre e ka qëlluar me gërshërë në kokë shtetasin me iniciale E.I, i cili është dërguar me urgjencë në spitalin e Traumës në Tiranë, ku dhe ndodhet nën kujdesin intensiv të mjekëve.
Agresori është vënë në pranga, ndërsa ka nisur puna për zbardhjen e shkaqeve të ngjarjes.
Njoftimi i policisë:
“Më datë 07.10.2019 u arrestua në flagrancë shtetasi O.D., 25 vjeç, banues në fshatin Rinia, Durrës, për veprën penale “Plagosja e rëndë me dashje” pasi për motive të dobëta ka plagosur në kokë me mjet prerës (gërshërë), shtetasin E. I., 26 vjeç, banues në fshatin Rinia, i cili ndodhet në Spitalin e Traumës Tiranë, nën kujdesin e mjekëve”-njofton policia.
Fraksion.com
