“E kishte fshehur në ‘xhepat’ e motorit”; Shqiptari kapet me kanabis në Greqi

Policia greke ditën e djeshme  ka  vënë në prangat një shqiptar në Sagiada Thesprotia.

Shqiptari është kapur duke transportuar një sasi prej 16 kg e 390 gram kanabis.

Emri i të arrestuarit nuk bëhet i ditur, por media greke bëjnë me dije se ai është i moshës 36-vjeç. Drogën shqiptari e kishte fshehur në dy bagazhet e motorit që po udhëtonte, po ashtu një pjesë tjetër të drogës ai e kishte futur në çantën e shpinës.

Droga ishte e ndarë ne 15 pake dhe ishte e mbështjellur me natriban.

Kohët e fundit Greqia është bërë një rrugë trafiku lëndësh narkotike, ku grupet shqiptare përdorin për të çuar kanabis në Turqi dhe për ta këmbyer më pas me heroinë.

Fraksion.com