Kokainë, heroinë, para dhe telefona në makinë: Si u kap shqiptari problematik në Greqi
Në një operacion të zhvilluar ditën e sotme, autoritetet greke njoftojnë se kanë vënë në pranga një 30-vjeçar shqiptar, identiteti i të cilit nuk bëhet me dije.
Shqiptari u ndalua së bashku me automjetin e tij në Larisa, ndërsa në airbag-un e pasagjerit kishte krijuar një vend të posaçëm për të fshehur lëndën narkotike. Gjatë kontrollit, me ndihmën e qenit antidrogë, policia gjeti dhe sekuestroi 6.2 kg heroinë të ndarë në 12 pako, 201 gram kokaine si dhe një sasi të vogël marijuane, 2 pistoleta, 5 fishekë dhe 700 euro, dy telefona celularë dhe një sasi parash.
Policia thekson se shqiptari i arrestuar kishte probleme me drejtësinë greke dhe rezulton me precedent të theksuar penal.
Fraksion.com
