“U vra me breshëri plumbash”; Biznesmeni në Lushnje po pinte kafen e mëngjesit

Policia jep detaje për vrasjen që tronditi sot Lushnjën, ku u ekzekutua me breshëri kallashnikovi biznesmeni  35-vjeçar.

35-vjeçari, pronar i një pike grumbullimi makinash, ishte ulur në lokal i vetëm në katin e dytë, kur një person i është afruar dhe ka hapur zjarr me breshëri kallashnikovi, duke e lënë të vdekur në vend.

Policia deklaron se kanë qenë dy autorë, të cilët janë larguar më pas me një automjet.

Pak pas krimit, autori është larguar me makinë, ku e priste një tjetër person. Aktualisht policia ka ngritur postblloqe, ndërsa po vijon punën për kapjen e autorëve të ngjarjes.

Sot rreth orës 08:15, në një lokal në lagjen “Skënder Libohova” Lushnjë, dy persona ende të paidentifikuar, kanë qëlluar me armë zjarri automatike në drejtim të shtetasit B.H, 35 vjeç, i cili ka ndërruar jetë. Autorët janë larguar nga vendngjarja me një automjet ku në ndjekje të tyre janë vënë shërbimet e Policisë Lushnjë

Policia ka ngritur pika të shumta kontrolli në hyrje-dalje të qytetit , në aksin rrugor Lushnjë Tiranë, Lushnjë Fier dhe Lushnjë Berat.

Për zbardhjen e ngjarjes menjëherë është ngritur grupi hetimor nën drejtimin e Prokurorisë Lushnjë.

Një grup specialistësh nga Departamenti i Policisë Kriminale në Policinë e Shtetit është nisur për t’i ardhur në ndihmë grupit hetimor me qëllim zbardhjen sa më shpejtë të ngjarjes”, deklaron policia.

Dyshohet se kjo vrasje ka lidhje me përplasjet e mëparshme midis dy grupeve atyre të Aldo Bares dhe të Laert Haxhiu.

Fraksion.com