Bllokimi i dy gomoneve me drogë; Policia greke: Pikënisja nga Vlora; Zgjidhnin skafistë të zotë dhe lundronin në det mbi 6 ballë

Policia greke ka dhënë detaje nga operacioni për kapjen e 1 ton e 172 kg kanabis në ishullin Pipero, një ditë më parë. Mësohet se deri më tani si rezultat i operacionit, janë vënë në pranga katër persona, përkatësisht 25, 35 dhe dy 42-vjeçar, e ndërsa dy të tjerë janë shpallur në kërkim.

Referuar deklaratës së policisë greke, kemi të bëjmë me një grup të strukturuar kriminal që trafikonte kanabis nga Shqipëria, me pikënisje nga Vlora drejt Turqisë. Krerët e këtij grupi zgjidhnin gomone që kanë mundësi që të transportojnë sasi të mëdha droge, me motorë të shpejtë dhe skafistë të zotë. Transporti i drogës me gomone, bëhej në ditë me vranësira dhe erëra të forta në det me mbi 5-6 ballë.

“Behet fjale për shkatërrimin e nje rrjeti kriminale të trafikut të marijuanës nga Shqipëria në Turqi dhe trafikut të heroinës nga Shqipëria në Turqi.

Në dt.25 shtator jemi njoftuar për dy gomone që po tentonin të transportonin droge në brigjet e Turqisë. U organizua operacion nga policia dhe roja bregdetare me 10 skafe, 1 helikopter dhe 1 avion si dhe 2 avionë të FRONTEX në verilindje të detit Egje. Operacioni rezultoi në kapjen e një gomoneje dhe arrestimin e 3 personave që ndodheshin në të, të moshës 25, 42 dhe 42-vjec.

Në dt.29 shtator, u zbulua një gomone tjetër me një shtetas në të në zonën detare të Agistrio. U arrestua skafisti 35-vjec. Për të njëjtën çështje janë në kërkim edhe dy shtetas të tjerë.

U arrit të krijohej profili i këtij grupi kriminal. Ata zgjidhnin gomone që kanë mundësi të transportojnë sasi të mëdha droge, motore të shpejtë dhe skafistë të zotë. Ata zgjidhnin të lundronin në dite me vranesira dhe erëra te forta dhe det mbi 5-6 balle.

Në dt.30 shtator, në ishullin Piperi u gjeten dhe sekuestruan 106 pako me 1 ton 172 kg marijuanë. 3 te arrestuarit e pare kane marre masën e sigurisë “Arrest ne burg”.

Fraksion.com