Tërmeti i 21 shtatorit; Në terren për të vlerësuar dëmet edhe ekspertë nga BE

Pas tërmetit të 21 shtatorit, Mekanizmi i Mbrojtjes Civile është në punë pa ndërprerje dhe ekipet janë në terren për të vlerësuar dëmet.

Ministrja e Mbrojtjes, Olta Xhaçka thekson se, atyre u janë bashkuar ekspertë nga Mekanizmi i Mbrojtjes Civile të BE.

“Pas tërmetit të 21 shtatorit, Mekanizmi i Mbrojtjes Civile është në punë pa ndërprerje dhe ekipet janë në terren për të vlerësuar dëmet. Atyre u janë bashkuar ekspertë nga Mekanizmi i Mbrojtjes Civile të BE, nga i cili 10 vende anëtare jo anëtare kanë dërguar asistencën e tyre materiale për të përballuar sa më lehtë pasojat e lëkundjeve të javës së kaluar”, tha ministrja Xhaçka.

Në Drejtorinë rajonale të rezervave të shtetit në Lundër kanë mbërritur këto dy ditë ndihma nga disa shtete evropiane si Kroacia, Hungaria, ndërsa priten edhe nga shtete të tjera.

Një avion ushtarak grek solli të dielën kontributin e qeverisë së Greqisë për Shqipërinë.

Gjithashtu një ekip i specializuar i Mekanizmit të Mbrojtjes Civile të BE-së ka mbërritur në Tiranë, duke iu atashuar ekipeve shqiptare të emergjencës për vlerësimin e dëmeve në terren dhe ofrimin e asistencës së tyre.

 

Fraksion.com