“Serbia të njohë Kosovën”; Ja se çfarë shkruajnë mediat serbe

Kryeministri Edi Rama gjatë fjalës së tij në Organizatën e Kombeve të Bashkuara mbrëmjen e djeshme, ftoi  shtetin e Serbisë, që të lë mënjanë “inatet” e vjetra kundrejt Kosovës dhe të njohë pavarësinë e saj.

Këtë deklaratë “të guximshme” të kryeministrit Rama e kanë raportuar gjerësisht edhe mediat serbe. Ajo që bie në sy është fakti se ndryshe nga herët e tjera, ato nuk e etiketuan  thirrjen e Ramës si “provokim” por i qëndruan me korrektësi fjalës së tij.

“Rama: Ka ardhur koha që miqtë tanë serbë ta njohin pavarësinë e Kosovës”- kështu e nis titullin e shkrimit media serbe “Sputnik”,  e cila vijon më tej duke cituar kryeministrin shqiptar, Edi Rama si vijon: “ka ardhur koha që të gjitha vendet e këtij Kuvendi, veçanërisht miqtë tanë serbë, ta njohin pavarësinë e Kosovës” dhe ta pranojnë, argumenton ai, realitetin si bazën e vetme të besueshme për ndërtimin e një të ardhme më të mirë të përbashkët”, thuhet në shkrim.

Fraksion.com