“Jam Luani i Artë të paktën për këtë vit”; Meta nga festa e bektashinjve: Kam zero koment për Komisionin
Presidenti Ilir Meta ndodhet në Sarisalltik të Krujës për të festuar festën e bektashinjve.
I pyetur nëse ka frikë nga Venecia, Meta tha: Si mund t’i trembet Venecias, Luani i Artë i Venecias të paktën për këtë vit. Të jeni të sigurt se Luani i Artë i Venecias për këtë vit do të jetë siç e ka mbajtur premtimin deri më 24 korrik.
Ndërkohë referuar datës 11 tetor, kur do bëhet edhe publikimi zyrtar i raportit, Meta tha për ora news: Askush të mos lodhet dhe të mos merret me datën 11. Nuk ekziston data 11. Data 11 ekziston për ata që duan të zgjasin krizën, ta thellojnë atë dhe që duan të mbulojnë shumë probleme të tjera.
“Kam zero koment. E kam shterruar me kohë edhe si President dhe institucion mbrojtjen e shkëlqyer parimore që i kemi bërë Kushtetutës dhe pluralizmit politik sipas Konventës Europiane të Drejtave të Njeriut”.
Fraksion.com
