Akrobati humb jetën në cirk, tmerrohen fëmijët

Një akrobat ka humbur jetën teksa ishte duke përformuar në një objekt mjaft të rrezikshëm, ndërsa është parë edhe nga shumë fëmijë.

Ngjarja ndodhi në Angli, ndërsa viktimë mbeti një 27-vjeçar nga Maroku.

Khalid, teksa po performonte numrin e quajtur “rrota e vdekjes”, sapo kishte hipur në kafazin metalik që rrotullohet, si pjesë e aktit final, kur humbi kontrollin dhe ra.

Gjatë rënies ai u përplas edhe me një pengesë metalike çka rezultoi fatale për jetën e tij.

Ai u dërgua në spital, por nuk arriti të mbijetonte. Të pranishmit në cirk treguan se e gjithë ngjarja ishte e tmerrshme dhe se shumë fëmijë që ndodheshin aty për të parë shfaqjen ishin tronditur.

Fraksion.com