Basha: Vendimi i Budestagut pozitiv, opozita nuk ka qenë pengesë për dialog

“Vendimi i Bundestagut është pozitiv, ku ka kontribuar edhe opozita”, deklaroi sot kryetari i PD-së Lulzim Basha në një takim me gazetarët sot në selinë e PD-së, ndërsa ka theksuar se negociatat hapen pas plotësimit të 9 kushteve.

Në fjalën e tij, Basha tha se “në emër të PD dhe opozitës së bashkuar të garantojmë çdo qytetar shqiptar dhe partnerët tanë, BE, partnerët tanë strategjikë euroatlantikë se PD dhe opozita e bashkuar do të bëjë gjithçka që vendit t’i hapen sa më parë negociatat. Për këtë duhet një lexim realist i situatës, çka mungoi dje. Për herë të katërt Edi Rama i hapi negociatat dhe jo më kot mediat dhe rrjetet sociale i kujtuan mashtrimet e njerëzve çdo vit. Mediat kryesore, fatkeqësisht, iu bashkuan Edi Ramës në dasmën pa nuse. Por vetëm e vërteta na ndihmon të shkojmë përpara.

“E vërteta është kur vendi të plotësojë 9 kushte të ndara në dy faza. Për herë të parë kemi një mekanizëm me dy faza, ndërkohë që Maqedonisë kapitujt do ti përcaktohen që në konferencën e parë. Ndërsa ne kemi dy kushte, vënien në punë të gjykatës kushtetuese dhe gjykatës së lartë, reformën zgjedhore gjithëpërfshirëse. Konferenca e dytë do të ndodhë vetëm nëse janë zbatuar 7 kushtet e tjera”, theksoi ai.

Basha thekson se vendimi i Bundestagut ishte pozitiv dhe ky është dhe kontribut i opozitës.

“Ndonëse ngjarja e tërmetit nuk ndodhet më në fokusin e mediave për shkak të një tërmeti politik, siç ishte vendimi i Bundestagut, nga njëra anë pozitiv për të cilën jam mirënjohës partive si motra CDU/CSU. Ky është dhe rezultat i një punë  katër mujore të opozitës për të bindur atë pjesë skeptike të forcave politike, sepse një jo e prerë sic mbizotëronte në atë kohë  nuk do të ndihmonte Shqipëri dhe shqiptarët”, tha ai.

“Do të garantojmë të gjithë partnerët tanë se PD opozita e bashkuar do bëjnë gjithçka që vendi të hap sa më parë negociatat”, tha ai.

Më tej, Basha tha se zgjidhja e krizës kërkon vullnet politik.

“Zgjidhja politike nuk kërkon vetëm ndryshime ligjore dhe legjislative, por kërkon mbi të gjitha vullnet politik dhe zgjidhje politike dhe nuk mund të vinë nga shkaktarët e kësaj krize. Është moment ku Rama dhe PS-së duhet të reflektojnë që t’i hapin rrugë zgjidhjes së krizës. Ne si opozitë po e trajtojmë këtë moment me përgjegjësi të madhe dhe po prodhojmë një plan antikrizë, një plan kombëtar për ta nxjerr vendin nga kriza. Ne jemi të gatshëm të kryejmë përgjegjësit tona”, tha ai.

Në lidhje me dialogun politik dhe uljen në një tryezë me kryeministrin Rama, Basha tha se “as un dhe as PD dhe as opozita e bashkuar nuk kanë qenë pengesa për dialogun politik për t’i dhënë fund krizës”.

“Dua ta përsëris për çdo shqiptar. PD i ka thënë po propozimit të partnerëve ndërkombëtar që me 9 qershor, ai që ka refuzuar propozimin për zgjidhjen e krizës është Edi Rama sepse donte të kapte pushtetin lokal”, tha ai.

Duke folur për Reformën zgjedhore, Basha tha se ne “jemi të gatshëm për të dhënë kontributin tonë për reformën zgjedhore.

“Duke qenë se Reforma Zgjedhore është dhe një nga kushtet për integrimin europian të vendit, opozita e bashkuar është e vendosur të mbështes realizimin e saj, por sic e kemi theksuar edhe  sot duhet një reformë e vërtet zgjedhore që mund të zbatohet vetëm nga institucione dhe parti politike që kanë vullnet për të garantuar zgjedhje të lira dhe të ndershme. Në këtë kuptim të gjithë personat dhe partitë politike, subjekte të hetimi penale 184, 389 dhe hetime të tjera janë në kushtet e konfliktit të interesit si me zgjedhjet të lira dhe të ndershme si me reformën zgjedhore që ka nevojë vendi. Për këto arsye në kemi insistuar fort në atë parim që ne besojmë, ne kërkoj që ku process të jetë transparent, gjithëpërfshirës duke përfshirë në garantimi e reformës zgjedhore gjithë përfaqësues e grupit të interesit dhe të shoqërisë civile. Angazhimi ynë kryesor për këtë reformë është ligji për financimin e partitë politike dhe të fushatave, ku ne kemi propozim konkret financim 100% publik dhe kriminalizim të çdo financimi jo publik”, tha ai.

Po ashtu, Basha tha se procesi i Reformës Zgjedhore të drejtohet nga një strukturë e përbërë nga përfaqësues të organizatave ndërkombëtare dhe të partnerëve tanë OSB/BE/SHBA.

“Prandaj kemi kërkuar sot që ku proces të jetë transparent gjithëpërfshirës dhe publik. Gjithëpërfshirës, jo thjeshtë me opozitën. Ka një opozitë vendi dhe një parlament monist, por ne kërkojmë përfshirjen e të gjithë grupet e interesit. Natyrisht ne jemi të hapur dhe mbështesim dhe çdo diskutim për sistemin zgjedhor, pro siç e thash, Komisioni Parlamentar për Reformën Zgjedhore nuk e ka legjitimitetin, pasi nuk është prodhim i një parlamenti legjitim. Për pasojë një komision që ka në përbërje individ që duhet të ishin prapa hekurave nuk mundet kurrsesi të jap garanci zgjedhore, si kundër komisioni që nuk ka përfaqësues të opozitës nuk mund të jap garanci për zgjedhje. Ndaj kemi propozuar sot që ky process të drejtohet nga një strukturë e përbërë nga përfaqësues të organizatave ndërkombëtare dhe të partnerëve tanë OSBE/BE/SHBA dhe tjerë faktorë. Të drejtohet nga një përfaqësues i parlamenti dhe një përfaqësues i opozitës së bashkuar dhe projekti i dakordësuar të prodhojë një produkt që të miratohet pa lojëra politike”, tha ai.