Francë, protesta të “jelekëve të verdhë”

Përpjekjet për të rigjallëruar lëvizjet antiqeveritare të jelekëve të verdhë u ndeshën me përdorimin e gazit lotsjellës nga policia franceze të shtunën.

Parisi është përfshirë nga masat e forta të sigurisë. Me mijëra policë janë vendosur në disa nga pikat kryesore të qytetit, përfshirë bulevardin Champs Elysees, kullën Eifel dhe katedralen e Notre Dame-t.

Sipas agjencisë së lajmeve “Associated Press” të paktën 39 persona janë arrestuar.

Protestat e të ashtuquajturve jelekët e verdhë nisën rreth 10 muaj më parë. Ato u zhvilluan në të gjithë vendin, por kryesisht në Paris me thirrje për ndryshime në politikat sociale dhe ekonomike të qeverisë.

Fraksion.com