Si u kthyen jashtë kritereve dy sekretaret e Ditmir Bushatit, në diplomate në Bruksel
Tani vijmë tek pasojat që sollën këto ndryshime ligjore dhe tek dëmtimi që i sollën shërbimit të jashtëm shqiptar. Për këtë do të marrim disa shembuj konkret. Do të shohim se të çfarë niveli kanë qenë emërimet që ka bërë zoti Ditmir Bushati në trupën diplomatike.
“Po nuk u hoq dorë, nga keqtrajtimi i shërbimit diplomatik shqiptar nga partitë politike, po nuk u konsiderua Ministria e Punëve të Jashtme si institucion eltitar i shtetit, si në çdo vend të botës, kurrë nuk ka për tu bërë një shërbim diplomatic në nivelin që e kërkon koha”, tha Paskal Milo, ish – Ministër i Jashtëm.
Në të njëjtën mënyrë është emëruar edhe një tjetër diplomate nga Ditmir Bushati. Orjana Mullisi shërben gjithashtu pranë Misionit Diplomatik Shqiptar në Bruksel. Ajo ka mbaruar studimet master ne vitin 2013 në Belgjikë. Ka hyrë në ministrinë e punëve të jashtme në tetor 2014 si Asistente ekzekutive e ministrit. Ka marrë titullin diplomate në vitin 2016 dhe në Mars 2017 është emëruar sekretare e dytë në Misionin Shqiptarë pranë Bashkimit Europian. Pra, Orjana Mullisi brenda një viti ka ngjtir 3 shkallë një herësh në karrierën diplomatike. Sipas ligjit ajo mund të kishte marrë postin e sekretares së dytë, vetëm 5 vjet pasi të ishte bërë atashe.
Të dy këto vajza të reja, vazhdojnë sot rrugën e tyre në diplomaci falë shkeljes së ligjit nga ish ministri Bushati./TCH
Top Channel
