“Shkarkimi i Metës”; Komisioni hetimor mblidhet nesër

Komisioni hetimor parlamentar për shkarkimin e Presidentit të Republikës Ilir Meta do të zhvillojë mbledhjen e radhës paraditen e nesërme.

Komisioni do kërkojë shtyrjen e mandatit me qëllim pritjen e opinionit të Komisionit të Venecias për ligjshmërinë e dekretit të Presidentit Meta për anulimin e zgjedhjeve lokale të 30 qershorit.

Në mbledhjen e nesërme komisioni pritet të kërkojë administrimin e dokumenteve që lidhen me hetimin parlamentar.

Ndërkohë, dje presidenca publikoi në faqen e saj zyrtare raportin që Meta do të përdorë për t’u mbrojtur para Komisionit të Venecias në datë 11 tetor.

Fraksion.com