PD: 145 mijë nxënës dhe studentë më pak në bankat e shkollës

“ Shqipëria ka 145 mijë nxënës dhe studentë më pak në bankat e shkollës dhe auditorët e saj dhe më shumë se 200 shkolla janë mbyllur, sepse nuk ka nxënës për t’u regjistruar”, deklaroi sot Ndriçim Mehmeti, një nga ekspertët e arsimit në vend, pjesë e Departamentit të Arsimit në PD, ndërsa shtoi se librat janë më shtrenjta dhe se ndarja e tyre falas është një farsë.

“Të dhënat zyrtare nga INSTAT, tregojnë se tekstet shkollore janë shtrenjtuar. “Çmimi i librave dhe mjeteve shkollore është shtrenjtuar me 7.6% këtë vit në krahasim me 3% që u rit vitin e kaluar.”- bëhet e ditur nga vetë agjencia e kontrolluar nga qeveria. Librat falas janë një farsë e shëmtuar, denigruese, tallëse e ministres së Arsimin”, shprehet ai

Ai shtoi se pjesa  më e madhe e teksteve shkollore, blihen nga prindërit, pasi ato që ofron shkolla janë të keqpërdorura.

Sipas Mehmetit, sistemi arsimor është kthyer në strehë të militantëve partiakë.

Fraksion.com