“Zjarri në anije në Kaliforninë e Jugut”; Gjenden 25 trupa të vdekur; Ende 9 persona të zhdukur

Pas djegies së anijes në Kaliforni janë gjetur 25 trupa të pajetë.

Mediat e huaja raportojne se 9 persona rezultojne ende te zhdukur.

Roja Bregdetare amerikane tha se 34 persona figurojnë të zhdukur pasi një zjarr i fuqishëm përfshiu një anije të vogël me polombarë në brigjet e Kalifornisë jugore.

Media lokale njofton se zjarri shkaktoi disa të vdekur, por Roja Bregdetare nuk mund të konfirmonte njoftimin.

Sipas zyrtarëve të Rojes Bregdetare, pesë pjesëtarë të ekuipazhit u shpëtuan pasi shpërtheu zjarri në anijen që përdoret nga operatorët e tureve për zhytësit në Ishullin Santa Kruz, në brigjet e qytetit Santa Barbara.

Zyrtarët thanë se vazhdojnë kërkimet për personat që figurojnë të zhdukur.

Sipas zyrtarëve, pasagjerët po flinin në mjediset e brendshme të anijes kur shpërtheu zjarri të hënën në mëngjes.

Fraksion.com