“U plagos në Afganistan”; Komandoja shqiptare bashkohet në SHBA me ish ministrin e PD

Ushtaraku Aleksandër Peçi, komandoja shqiptar mbeti i plagosur rëndë në Afganistan 7 vjet më parë, ndërsa kolegu i tij Feti Vogli humbi jetën, pas një sulmi ndaj tyre.

Ngjarja në të cilën u plagos komandoja ndodhu në 20 shkurtin e vitit 2012, kur trupat shqiptare u sulmuian nga një grupi afganësh që ishin veshur me uniforma policie.

Por, pasi mundi të shpëtojë komandoja me gradën e nëntetari u largua nga radhët e Forcave të Armatosura në vitin 2016 i zhgënjyer për trajtimin qesharak dhe në kufijtë e mbijetesës që sipas tij i bëhej një ushtaraku shqiptar.

Ai është takuar me ish kolonel  Dritan Demiraj që ka mbajtur edhe postin e  ministrit të Brendshëm në Qeverinë Teknike tremujore përpara zgjedhjeve të përgjithshme të vitit 2017.

Në faqen e tij në facebook, Demiraj shkruan: “Sonte pata kënaqësinë të kisha për darkë në shtëpi në Michigan ish-kolegun tim të nderuar Alksandër Pecin. Sandri në datën 20 shkurt 2012 gjatë kryerjes së detyrës me misionin “Eagle-4” në Daman, Kandahar, Afganistan u plagos rëndë në krye të detyrës nga një sulm i pabesë i terroristëve Afganë, ku fatkeqësisht humbi jetën kolegu jonë i nderuar Kapiten Feti Vogli. Ndjehem pafundësisht i nderuar që pata privilegjin dhe përgjegjësinë të punoj, komandoj dhe luftoj me këta njerëz të nderuar, trima dhe patriotë, të cilët vetëm i kanë dhënë Kombit Shqiptar dhe nuk i kanë marrë asgjë dhe që luftuam në frontin më të vështirë të luftës krah për krah me ushtrinë amerikane”, shkruan Demiraj në “Facebook”.

Fraksion.com