“Shkatërrohen plotësisht në pjesën e përparme”; në Korçë makinat përplasen ‘kokë më kokë’; Rëndë një person
Një aksident i rëndë rrugor ka ndodhur këtë paradite në aksin Korçë-Pogradec.
Dy makina janë përplasur me njëra-tjetrën, duke lënë të plagosur rëndë një person.
Fotografitë nga vendngjarja, tregojnë se përplasja “kokë më kokë” mes dy makinave ka qenë shumë e forta, sa që të dyja janë shkatërruar thuajse plotësisht në pjesën e përparme.
Ngjarja ka ndodhur në afërsi të fshatit Pirg, ndërsa burime nga policia bëjnë me dije se i plagosur rëndë ka mbetur njëri nga drejtuesit e mjeteve.
Ai është dërguar menjëherë në Spitalin e Korçës, ndërsa policia ka shoqëruar drejtuesin e mjetit tjetër dhe vijon hetimet për të zbardhur shkaqet e aksidentit.
