Rama nxjerr videon: Pasqyrim digjital për vijën bregdetare
Kryeministri Edi Rama ka postuar në “Facebook” një video, ku shpjegohet se gjithë vija bregdetare e Shqipërisë do të ketë pasqyrim dixhital.
Kreu i qeverisë thekson se kjo është mënyra për të ndaluar abuzimet dhe për t’iu shërbyer sa më mirë qytetarëve.
Kryeministri Edi Rama në facebook:
KA NiSUR PUNA… për Vijën Bregdetare 2020
12 mijë e 132 fotografitë e para, të cilat mbulojnë 180km bregdet me plazhe dhe mbi 30 mijë të tjera, që do t’u bashkangjiten në javët në vijim, përbëjnë pasqyrën digjitale të reformës së nisur për kontrollin, mbrojtjen dhe zhvillimin e Vijës sonë Bregdetare🌊
Kjo pasqyrë digjitale, e cila do të përditësohet vijimësisht, do të prodhojë të gjitha të dhënat e nevojshme për pronësinë publike a private, ndërtimet abuzive, aktivitetet hoteliere dhe njësitë e shërbimit (bashkë me statusin e tyre juridik e tatimor), hotspotet mjedisore, monumentet e kulturës e zonat e mbrojtura😁
Të gjitha institucionet dhe strukturat të shtetit, të cilat do të përfshihen në zbatimin e Ligjit të ri për Vijën Bregdetare, do ta përdorin këtë pasqyrë për planifikime, verifikime dhe operacione në terren, në funksion të qëllimit për t’u ofruar qytetarëve një Shqipëri turistike shumë më cilësore; me plazhe të lira, shërbime publike të aksesueshme dhe shërbime tregtare të formalizuara, mjedis të mbrojtur e zhvillim të qëndrueshëm të infrastrukturës së mikpritjes⛱
#ShqipëriaqëDuam☀🇦🇱
Fraksion.com
