Breshëri drejt BMW; Ekzekutohet me armë zjarri brenda makinës

Një vrasje me armë zjarri ka tronditur sonte Tiranën.

Një person i identifikuar si Santijago Malko është qëlluar me armë, teksa ecte me makinë. Ngjarja ka ndodhur në zonën e Kinostudios.

Viktima është një ish-punonjës policie dhe emër jo i panjohur për forcat blu.

Ai ka qenë i përfshirë në një konflikt më herët me vëllezërit Lashi.

Gjithashtu, dyshohet se viktima është pjesë e një grupi kriminal. Ai është qëlluar për vdekje teksa ishte në ecje me makinë.

Në atë kohë, konflikti ka qenë për bastet sportive.

Nuk dihet nëse është vijimi i asaj ngjarje apo jo. Në vendngjarje ka pasur breshëri armësh. Në vendngjarje janë drejtuesit më të lartë të policisë.

Ata po mbledhin prova për të identifikuar autorin/ autorët e kësaj ngjarje. Makina është qëlluar në ecje.

Burime nga policia e Tiranës kanë bërë me dije se është qëlluar ndaj personit, që ishte brenda makinës, BMV të zezë.

Në kohën që ka ndodhur ngjarja, vendi ishte plot njerëz.

Fraksion.com