Të ardhurat lokale u rritën 2.7 miliardë lekë më shumë se një vit më parë

Të ardhurat nga pushteti vendor në 7-mujorin e këtij viti arritën në shifrën e rreth 15.2 miliardë lekë, nga 12.5 miliardë lekë që u mblodhën në të njëjtën periudhë të një vitit më parë, ose rreth 2.7 miliardë lekë më shumë.

Sipas të dhënave fiskale të Ministrisë së Financave dhe Ekonomisë, peshën më të rëndësishme në të ardhura e zënë taksat lokale, me rreth 11.4 miliardë lekë dhe më pas renditet taksa e pasurisë me rreth 3.5 miliardë lekë.

Ndërkohë në buxhetin e shtetit u mblodhën 1.8 miliardë lekë taksa vetëm gjatë muajit korrik, ose rreth 200 milionë lekë më shumë në krahasim me korrikun 2018.

Fraksion.com