6 të plagosur nga shpërthimi në karburantin pranë kryqëzimit të Shënkollit (Video)
Gjashtë persona kanë mbetur të plagosur nga shpërthimi në një karburantit në afërsi të kryqëzimit të Shënkollit, në Lezhë.
“LSA” ka siguruar një video, e cila tregon tymin dhe flakët.
Burime bëjnë me dije se pesë persona po marrin mjekim në urgjencën e Lezhës, ndërsa një person që ndodhet në gjendje kritike për jetën është nisur drejt Tiranës.
Karburanti ‘Eko’ u përfshi mbrëmjen e sotme nga flakët si pasojë e shpërthimit të një bombole gazi.
Pas disa minutash, zjarrfikëset kanë vënë nën kontroll zjarrin, duke shmangur rrezikun e përfshirjes nga flakët të depozitave të karburantit.
Fraksion.com
