Festa e Birrës; Rama: Korça mirëpriti mijëra vizitorë vendas e të huaj

Bëhet fjalë për Korçën që mirëpriti javën e shkuar Festën e Birrës, eventin më të madh festiv veror.

“Mirëmëngjes dhe me këto pamje fantastike nga Festa e Birrës në Korçë, ku për 5 ditë mijëra vizitorë e pushues shijuan traditat më të bukura të zonës bashkë me spektaklin dhe birrën shqiptare, ju uroj një ditë të mbarë”, tha Rama.

Gjatë pesë netëve festive publiku shijoi në 2 skena, emrat më në zë të muzikës dhe shumë surpriza. Turistë të huaj dhe vizitorë vendas e kthyen Pazarin e Vjetër të Korçës në një pol argëtimi duke u argëtuar nën ritmet e muzikës dhe duke shijuar gatimet tradicionale nën trokitjen e gotave të birrës.

Festa e Birrës, e kthyer tashmë në traditë, është një ngjarje mjaft e rëndësishme përsa i përket tërheqjes së vizitorëve, ndërsa nga viti në vit ka promovuar dhe përforcuar imazhin turistik të rajonit.

Gjatë netëve të Festës së Birrës promovohet një gamë e gjerë birrash vendase dhe të huaja.

Festa e Birrës në Korçë u themelua në vitin 2007, si një iniciativë e Bashkisë Korçë.

Festivali është nderuar me çmimin e Turizmit nga Ministria e Kulturës në vitin 2010, për shkak të influencës që pati në rritjen e numrit të turistëve në rajon.

Postimi i z Rama:

MIRËMËNGJES 😃

dhe me këto pamje fantastike nga Festa e Birrës në Korçë, ku për 5 ditë mijëra vizitorë e pushues shijuan traditat më të bukura të zonës bashkë me spektaklin dhe birrën shqiptare, ju uroj një ditë të mbarë 😀
#festatlokale2019 #smilealbania😀🇦🇱