Aksident i rëndë në Prishtinë

Një aksident i rëndë ka ndodhur në Prishtinë, në rrugën Agim Ramadani, kur një kamion është përplasur me disa automjete tjera.

Lajmin e ka konfirmuar për Radion Evropa e Lirë, zëdhënësja e Policisë së Kosovës, Flora Ahmeti.

“Në aksident janë përfshirë 9 automjete.

Pas këtij aksidenti, 3 persona kanë kërkuar ndihmë mjekësore”, ka thënë Ahmeti.

Kamioni i cili ka shkaktuar aksidentin, është i kompanisë rajonale “Pastrimi”.

Me rastin janë duke u marrë njësitë përkatëse të Policisë së Kosovës.