Rama: “Lungolago” për banorët dhe turistët e qytetit të Lasgushit

Kryeministri Edi Rama ka dhënë sot një lajm të mirë për liqenin e Pogradecit, lidhur me shëtitoren që pritet të ndërtohet përgjatë tij.

Duke e etiketuar si “lungolago”, ai paralajmëron se do të jetë spektakolare për banorëtr dhe turistët.

“Edhe në zonën e një kalaje tjetër të rënë bashkë me Lëvizjen Antishtet, në Pogradec, ku punonjësit e bashkisë kishin hedhur lopatat e fshesat dhe ishin kthyer në turistë politikë, ik e eja në Tiranë me autobuzët e protestave, ka nisur menjëherë pas konstituimit të kryebashkiakut të ri, pastrimi i kodrave me plehra buzë liqenit e i pluhurit e ferrave që kishin marrë rrugët”, shkruan Rama.

Ai thotë se së shpejti nis rindërtimi me themel i rrugës së Tushemishtit dhe me patjetër në vijim, “transformimi i vijës liqenore në një “lungolago” spektakolare për banorët e për turistët e qytetit të Lasgushit”.