Clare Hutchinson: Çfarë është angazhimi i NATO-s për barazinë gjinore?

Gratë mund të luajnë një rol kyç në sigurimin e paqes dhe sigurisë.  Sigurimi i barazisë gjinore është gjithashtu e rëndësishme për zhvillimin e shoqërive tona. Clare Hutchinson, Përfaqësuesi Special i Sekretarit të Përgjithshëm të NATO-s për Gratë, Paqen dhe Sigurinë, shpjegon më shumë për angazhimin e NATO-s në këto çështje.

Barazia gjinore është pjesë përbërëse e të gjitha politikave, programeve dhe projekteve.  NATO promovon përfshirjen e grave në të gjithë strukturat e Aleancës dhe në forcat e armatosura kombëtare. Gratë dhe burrat kanë perceptime të ndryshme për sigurinë, prandaj është e rëndësishme të sigurohet pjesëmarrja aktive dhe kuptimplota e grave në institucionet vendimmarrëse dhe të sigurisë.

NATO demonstron angazhimin e saj për barazinë gjinore nëpërmjet zbatimit të Rezolutave të Këshillit të Sigurimit të Kombeve të Bashkuara (UNSCR) mbi Gratë, Paqen dhe Sigurinë (WPS). Këto Rezoluta (1325, 1820, 1888, 1889, 1960, 2106, 2122 dhe 2422) e njohin ndikimin joproporcional të konfliktit te gratë dhe vajzat dhe kërkojnë pjesëmarrje të plotë dhe të barabartë të grave në të gjitha nivelet e parandalimit të konflikteve  rindërtimin pas konfliktit  dhe mbrojtjen e grave dhe vajzave nga dhuna seksuale në konflikt.

Operacionet ushtarake në botën e sotme kërkojnë një shumëllojshmëri kualifikimesh dhe burimesh për të siguruar arritjen dhe ruajtjen e paqes dhe sigurisë. Aftësitë plotësuese të personelit mashkullor dhe femëror janë esenciale për efektivitetin e operacioneve të NATO-s. Zyra e Shtabit Ushtarak Ndërkombëtar të Këshilltarit Gjinor dhe Komiteti i NATO-s për Perspektivat Gjinore punojnë për të integruar një perspektivë gjinore në të gjitha aspektet e operacioneve të NATO-s.

Fraksion.com