Haxhiu: Mbledhja e Qeverisë nga Haradinaj është antikushtetuese

Deputetja e Lëvizjes Vetëvendosje, Albulena Haxhiu, ka reaguar në lidhje me mbledhjen e Qeverisë të cilën kryeministri në dorëheqje, Ramush Haradinaj e ka thirrur për të premten.

Haxhiu në Facebook ka shkruar se kjo mbledhje e Qeverisë është skandaloze, shkruan Gazeta Express.

Deputetja e VV-së ka thënë se kjo është shkelje kushtetuese.

“Secili vendim që mendohet të merret ka pasoja edhe penale. Kjo Qeveri ka rënë me dorëheqjen e Haradinajt. Ky është abuzim dhe shkelje kushtetuese”, ka shkruar Albulena Haxhiu.

Kryeministri në dorëheqje, Ramush Haradinaj, ka thirrur për të premten mbledhjen e Qeverisë ku në rend dite do të diskutohet edhe emërimi i anëtarëve të bordit të autoritetit civil./Express

Fraksion.com