Hapen dyert e Teatrit Kombëtar, Basha dhe protestuesit ulen në sallë

Që nga mëngjesi i sotëm ka pasur përplasje mes policisë dhe protestuesve para Teatrit, ndërsa sot në mesditë, rreth orës 10:30 këta të fundit kanë mundur të hyjnë brenda Teatrit Kombëtar.

Të shqetësuar për hyrje-daljet e disa punëtorëve që nisën të zhvendosin orenditë brenda Teatrit, ata u grumbulluan aty me frikën që do të niste shembja. Ata u konfrontuan disa herë me policinë.

Një pjese prej tyre zgjodhi të hynte nga dritaret anësore të Teatrit, pjesë kjo që nuk ruhej me polici, e më pas hapën derën kryesore.

Ndërkohë Lulzim Basha dhe disa protestues janë ulur në sallë. Ata kanë filluar të japin deklarata nga ulëset si dhe të recitojnë poezi.

Fraksion.com