Kërkuan ndihmë në mes të detit, policia po i heton për trafik droge
Roja Bregdetare dhe Policia Kufitare e Vlorës kanë shpëtuar gjatë natës dy persona të cilët ishin duke lundruar me një gomone në det. Operacioni i shpëtimit ka ndodhur pasi personat që ndodheshin në gomonen “Stuhia 1375” ka lëshuar alarmin SOS.
Sipas të dhënave që disponon Top Channel, mjeti i lundrimit ka pësuar defekt në motor dhe sistemin e drejtimit, duke vënë kështu në rrezik jetën e personave që ndodheshin në të. Thirrja për ndihmë është lesuar në orën 22:00 të mbrëmjes.
Raportohet se personat që ndodheshin në bord janë marrë në pyetje, pasi ka dyshime se mjeti lundrues mund të jetë përdorur për trafik të lëndëve narkotike. Ndërkohë, policia po heton dokumentacionin e gomones.
Fraksion.com
