Haradinaj dhe Krasniqi merren sot në pyetje; Policia holandeze shton prezencën
Kryeministri ende në detyrë i Kosovës, Ramush Haradinaj do të merret sot në pyetje nga Gjykata Speciale.
Sseanca e pyetjeve do zhvillohet në orën 09:30, në Hagë.
Në pyetje do të merret edhe Jakup Krasniqi, ish-kreu i Kuvendit të Kosovës.
Pritet që policia holandeze të shtojë prezencën në perimetrin e tribunalit pasi mund të organizohen protesta nga komuniteti shqiptar që jeton në këtë shtet.
Shukri Buja, një tjetër ish-drejtues i UÇK-së, është intervistuar dje.
Atij i janë lexuar pyetjet nga prokurorët, por ka refuzuar të përgjigjet. Buja nuk është pyetur për çështje të veçanta, por për rolin e zinxhirit komandues në luftë.
Analisti Astrit Gashi tha nga Haga, për TV Dukagjinin, tha se avokatët po i këshillojnë klientët e tyre që të mbrohen në heshtje.
Po ashtu zoti Gashi u shpreh se priten të merren në pyetje 100 persona.
Fraksion.com
