Mandati i Sakos, Meta: Nuk ka pasur zgjedhje të qytetarëve shqiptarë me 30 qershor
Një ditë më parë Gjykata e Durrësit ka refuzuar t’i japë vërtetimin e mandatit kryetares së zgjedhur të Bashkisë, Valbona Sakos , e cila kandidoi nën siglën e Partisë Socialiste.
“Çdo proces gjyqësor që zhvillohet, është një demonstrim i rrëmujshëm ligjor, që ekziston në vendin tonë si pasojë mosrespektimit të Kushtetutës.
Kjo gjë u demonstrua që në momentin kur me një qarkore e Kuvendi, e shpalli inekzisten dekretin e Presidentit. Nuk ka pasur zgjedhje të qytetarëve shqiptarë me 30 qershor. Ato nuk kanë qenë të ligjshme. Ta thotë kush të dojë, çdo ndërkombëtar që thotë se që ‘gomari fluturon’.
Kështu që të gjitha këto manovra, manipulime të gjitha këto qoka ndërkombëtare, shkojnë kundër standardeve ndërkombëtare dhe që janë një standard i panegociueshëm për të mare provimin e vjeshtës”, tha Meta.
Fraksion.com
