U prish pushimet demokratëve; Zbulohet skenari i aksionit opozitar të Bashës

Për demokratët duket se nuk ka pushime edhe pse jemi në pikun e verës. Kryetari i Partisë Demokratike, Lulzim Basha do zhvillojë një sërë takimesh me qytetarët e qarkut të Shkodrës. Pas vendimit për të intensifikuar takimet me qytetarët edhe gjatë sezonit të verës, Basha do të jetë i pranishëm sot në qytetin e Koplikut.

“Kreu i Partisë Demokratike, Lulzim Basha ditën e hënë dt.15.07.2019 takim në Koplik, ora 18:00 me strukturat dhe qytetarët e prekur nga kjo krizë politike e ardhur nga Kryeministri që me vendimet e tij vetëm zgjat më shumë duart në xhepat e qytetarëve dhe po na varfëron dita ditës.

Jemi në hapat e duhur për të sjellë këtë ndryshim, për të treguar që nuk jemi populli që pranojmë dhe mbështesim partinë personale dhe regjimin e Edi Ramës”, bën të ditur Anton Kokaj.

Ndërkohë që axhenda e takimeve do vijojë edhe në orën 19:00 në qytetin e Shkodrës, ndërsa takimi do vijojë më pas në orën 20:00, takime me struktura dhe me qytetarët Vaut të Dejes.

3 ditë më parë kreu i demokratëve në mbledhjen me strukturat e partisë theksoi se s’ka ulje në tavolinë me Ramën dhe do vijojnë me protestat. Sipas tij në selinë blu gjatë verës nuk do të ketë pushime.

Fraksion.com