2.2 miliardë dollarë; SHBA miraton kërkesën e Tajvanit për të blerë paisje ushtarake

Departamenti Amerikan i Shtetit miratoi një kërkesë të Tajvanit për të blerë pajisje ushtarake me vlerë prej rreth 2.2 miliardë dollarësh.

Marrëveshja përfshin 108 tanke Abrams, 250 raketa kundërajrore Stinger dhe mbi 1.500 raketa anti-tank. Pentagoni tha se paketa nuk do të ndryshojë barazpeshën ushtarake në rajon.

Marrëveshja e mundshme e ka zemëruar Kinën, rivalen e Tajvanit. Zëdhënësi i Ministrisë së Jashtme Geng Shuang i bëri thirrje SHBA të martën që “ta anulojë menjëherë marrëveshjen” duke thënë se “ajo shkel rëndë parimin e një Kine të vetme” … ndërhyn rëndë në punët e brendshme të Kinës dhe minon sovranitetin dhe interesat e sigurisë të Pekinit.

Ai tha gjithashtu se Kina i ka paraqitur ankesa zyrtare SHBA-ve nëpërmjet kanaleve diplomatike.

Fraksion.com