“Histori suksesi” – Konferenca e Ballkanit Perëndimor
Anëtarësim ekonomik para hyrjes në BE? Në konferencën e Ballkanit Perëndimor në Poznan ministri gjerman i Ekonomisë, Peter Altmeier kërkon afrim më të madh ekonomik të Ballkanit me BE.
Edhe Rusia, Turqia dhe Kina po kërkojnë influencë në rajon, tha Czaputowicz, i cili takohet të enjten me ministrat e Jashtëm të vendeve të Ballkanit Perëndimor në Poznan. “Mendimi im është, ky është një qëndrim egoist, që nuk merr parasysh interesat më të gjera të Bashkimit Europian”.
Johannes Hahn me ministrin e Jashtëm polak, Jacek Czaputowicz në Poznan
“Histori suksesi”
Në konferencën e Poznanit marrin pjesë edhe përfaqësues nga ekonomia. Nga Gjermania, ndër të tjerë merr pjesë edhe Peter Altmeier, ministri gjerman i Ekonomisë, i cili është shprehur në kuadër të konferencës për integrimin më të fortë ekonomik të Ballkanit Perëndimor, edhe para anëtarësimit në BE, njoftojnë mediat gjermane.
Altmeier e cilësoi si “histori suksesi “Konferencën e Ballkanit Perëndimor të filluar me procesin e Berlinit në vitin 2014.”Qëllim i rëndësishëm mbetet rritja e aftësisë konkurruese të hapësirës rajonale ekonomike të Ballkanit Perëndimor dhe përgatitja hap pas hapi për sfidat e tregut të brendshëm europian.” Vëllimi tregtar i Gjermanisë me vendet e Ballkait Perëndimor arriti në vitin 2018 në rekord të ri, 28,5 miliardë euro.
Peter Altmeier
Në konferencën e Poznanit, krahas krerëve të qeverisë e shteteve të Ballkanit Perëndimor merr pjesë edhe kancelarja gjermane, Angela Merkel. Konferenca e Ballkanit Perëndimor mbështetet edhe nga Franca, Italia, Austria, e Polonia.
Në vitin 2014, Gjermania inicioi Konferencën e Ballkanit si “procesi i Berlinit” për të përgatitur këto vende për anëtarësimin në BE, shkroi DW.
Fraksion.com
