Mediat Ndërkombëtare, BBC dhe DM: Votimi bashkiak shqiptar i bojkotuar nga opozita, zhvillohet paqësisht
Mediat ndërkombëtare pasqyrojnë zhvillimet e ditës së djeshme në Shqipëri. Në shkrimin e gjigantit britanik të mediave “BBC”, thuhet se shqiptarët kanë votuar në zgjedhje si asnjë herë tjetër, opozita bojkotoi zgjedhjet si dhe incidente të vogla ndodhën në qendrat e votimit.
Për muaj të tërë opozita ka mbajtur protesta dhe qytetarët kanë kërkuar dorëheqjen e kryeministrit si dhe zgjedhje të reja të përgjithshme.
Përsa i përket zgjedhjeve të 30 qershorit gjiganti britanik i mediave shkruan se votimi vazhdoi edhe pse kritikët i quanin si zgjedhje jo të duhura, duke marrë parasysh mungesën e konkurrencës.
Nuk lihet pa përmendur gjithashtu se në prag të votimit, mbështetësit e opozitës u përleshen me policinë dhe në disa raste i vunë zjarrin fletëve të votimit dhe kutive.
Nuk lihet pa përmendur edhe momenti që i shtoi dramaticitetin situatës përpara votimit, ku gazeta gjermane “Bild” publikoi disa biseda telefonike të përgjuara, e cila u hodh në gjyq nga kryeministri Rama.
Një tjetër reagim vjen edhe nga “Daily Mail”, ku thuhet se votimi për kryebashkiakët shqiptarë, të bojkotuar nga partitë e opozitës është zhvilluar paqësisht si dhe pati një pjesëmarrje të ulët.
Trupat politike Europiane dhe Shtetet e Bashkuara i bënë thirrje partive shqiptare, që të shmangin dhunën gjatë zgjedhjeve, për kryetarët e bashkive, të 61 qyteteve. Në shkrimin e “Daily Mail” përmendet Presidenti Ilir Meta gjithashtu, i cili u përpoq të shtyjë zgjedhjet.
Bashkimi Europian, i cili do të vendosë në vjeshtë nëse do të fillojë bisedimet e pranimit me Tiranën, ka paralajmëruar politikanët e vendit se dhuna dhe grindjet mes dy palëve do të jetë në vëmendjen e tyre dhe do të ndikojnë në rrugën e anëtarësimit të Shqipërisë në BE.
Rama ofroi të shtrëngonte duart me Bashën për të arritur një marrëveshje, e cila do të sjell zgjidhjen e krizës parlamentare, për të ndihmuar vendin të marrë dritën e gjelbër, për bisedimet e hyrjes në BE.
Fraksion.com
