“Bëra detyrën time”; Bamir Topi: Jam kundër bojkotit!

Gjatë fjalës së tij jashtë qendrës së votimit Topi tha se zgjodhi të votojë në vijim të bindjes kundër bojkotit.

Kreu i Frymës Demokratike tha se kjo është një ditë ku çdo politikan duhet të reflektojë dhe të orientohen si ata që ne i quajmë partnerë strategjikë.

Megjithatë Topi tha se duhet një reflektim pasi sipas tij, Shqipëria është në standardin më të ulët të demokracisë. Ish-presidenti tha se mospjesëmarrja imponon zgjedhje të sforcuara.

“Votova sot në vijim të bindjeve të mia të sjelljeve kundër bojkotit siç e ka shprehur edhe partia ime e cila merr pjesë në zgjedhje. Erdha sot për të bërë detyrën time qytetare por edhe politike. Kam marrë pjesë në të gjitha votimet që nga viti 1991. Kjo është një ditë që nuk mund të ketë triumfator kur çdo politikan por edhe përfaqësuesit të opinionit publik, sonte duhet të bëjnë një meditim të thellë. Duhet të jetë një reflektim qytetar, se çfarë kanë bërë. Është standardi më i ulët i demokracisë që ne përjetojmë prej kaq vitesh. Nesër të gjithë duhet t’i thërrasin mendjes për të ardhur në një proces tjetër. Një proces politik i cili është rrëzuar në 21 prill 2008. Sot është një ditë votimesh dhe të gjithë ata që kanë marrë pjesë kanë ushtruar të drejtën e tyre. Mesazhet e ndërkombëtarëve duhen kuptuar qartë, për të krijuar një ditë stabilitetit brenda instabilitetit të politikës, të cilin nuk e ka populli. Mospjesëmarrja imponon zgjidhje të sforcuara. Ne jemi sot për zgjedhjet e pushtetit vendor sepse qyteti nuk mund të qëndrojë pa shërbim. Unë jam për të marrë pjesë. Unë solla tre arsye-sjelljen time qytetare, sjelljen politike dhe jam nga ata njerëz që do të orientohem qartë. Duhet të dimë të orientohemi si ata që ne i quajmë partnerë strategjikë. Unë besoj që fakti që unë vij për të votuar dhe që FRD ka marrë pjesë në këto zgjedhje, kam bindjen që çdo njeri bën zgjedhjen e vet. E ardhmja është tjetër gjë. Në mënyrë simbolike themi e nesërmja. Askush nuk duhet të ndihet i lumtur sot, gjërat duhet të ishin bërë me kohë. Unë sot dëshiroj të kthehem 11 vjet më parë për të akuzuar atë që është sot Ramën dhe Berishën që kanë sjellë këtë gjendje katastrofale. jemi në një ditë që nesër çdo gjë duhet të fillojë për reformuar qëndrimin politik. Unë jam për vazhdimin me sukses të reformës në drejtësi. Mbi të gjitha kjo do të influencojë palët politike për t’u ulur në tryezë. Vendimi për këto zgjedhje i tregon asaj gjykate nuk është krijuar akoma por që duhet të ishte krijuar”, tha Topi.